Tuesday, February 14, 2012

മാമ്പഴവും ഒരു കുട്ടിക്കാലവും


മുറ്റത്തെ മാഞ്ചോട്ടില്‍ പഴുത്തൊരു മാമ്പഴം വീണ നേരം

കുട്ടികളൊക്കെയും കൂട്ടമായ് ചെന്നതിന്‍ ചോട്ടിലായി

കൊതിയോടെ തിന്നുവാന്‍ ഓടിച്ചെന്നവര്‍ കണ്ടതോ ?

മണ്ണോടു മുട്ടാതെ കരിയിലക്കിടയിലായ് നല്ലൊരു മാമ്പഴത്തെ.

കൂട്ടത്തില്‍ വികൃതിയും നോട്ടത്തില്‍ കുസൃതിയും ചേര്‍ന്നൊരു പൈതലോ

കൂട്ടരോടായി പറഞ്ഞൊരു വാക്കുകള്‍

വേണ്ടായെ വേണ്ടായെ എനിക്കിതു വേണ്ടായെ

മാമ്പഴമല്ലിതു, വിഷകായിതു സോതരേ !!!

ചൂണ്ടുന്നു അവനാ കൊച്ചു കൈവിരല്‍ , ദൂരെയാ മാവിന്‍ കൊമ്പിലായ്

കണ്ടില്ലേ കൂട്ടരെ ഒരു വിഷ സര്‍പ്പമൊന്നു കോപിച്ചിരിക്കുന്നെ.

കുട്ടിപട്ടാളം ഓടിയടുത്തു ഒന്നങ്ങു കാണുവാന്‍

ആ കോപിഷ്ടനാം സര്‍പ്പ കുമാരനെ

ചൊല്ലിയാ പൈതല്‍ , സൂക്ഷിച്ചു നോക്കൂ കൂട്ടുകാരെ

മറഞ്ഞിരിപ്പൂ അവന്‍ , ആ ചാഞ്ഞു കിടക്കും കൊമ്പിലിതാ..

ഒറ്റനോട്ടത്തില്‍ കാണാന്‍ കഴിയില്ല

കാണാനായ് കാത്തിരുന്നാല്‍ , കാണാതാവുന്നതും നമ്മളല്ലോ !!!

ചാടിയടുത്തു മുന്നില്‍ വന്നവന്‍ ഒറ്റയടിക്കു

അകത്താക്കിടും നമ്മിലോരോരുത്തരേയും , സ്നേഹിതരെ !!!!

അയ്യയ്യോ അയ്യയ്യോ കരഞ്ഞുകൊണ്ടെല്ലാരും

അങ്ങോട്ടുമിങ്ങോട്ടും ഓടിയ നേരം

ആരോരുമറിയാതെ കീശയിലാക്കിയവന്‍

ആ ചെമ്പൂവിന്‍ നിറമുള്ള മമ്പഴത്തെ.

ഓടുന്ന നേരം, അവന്‍ തിരിഞ്ഞൊന്നു നോക്കി കൊഞ്ഞനം കുത്തി

ആ കൊമ്പിലിരിക്കുമൊരു , പാവം കാക്കക്കറുമ്പിയെ ..!!!

2 comments:

  1. ഓ..അഭിപ്രായം പറയാന്‍ മാത്രമില്ലെന്നെ !
    നല്ല കുട്ടിക്കവിത.....

    ReplyDelete
  2. kuttikkaalam orma vannu ......aashamsakal

    ReplyDelete

എന്നാ പിന്നെ ഒരഭിപ്രായം പറയാം......